1. Кіріспе
1.1. «М. Қозыбаев ат. Солтүстік Қазақстан университеті» КЕАҚ (бұдан әрі– Университет) білім беру және ғылыми орталық ретінде тұрақты болашақты қалыптастыруға қатысады.
1.2. Университет тұрақты даму қағидаттарын өзінің стратегияларына, үдерістері мен шешімдеріне енгізуге ұмтылады.
1.3. «М. Қозыбаев ат. Солтүстік Қазақстан университетінің» КЕАҚ (бұдан әрі – Саясат) тұрақты даму саясаты Қазақстан Республикасының заңнамасына, «М. Қозыбаев ат. Солтүстік Қазақстан университеті» КЕАҚ Жарғысына (бұдан әрі – Университет) сәйкес әзірленді және Университеттің тұрақты дамуын қамтамасыз ету бойынша негізгі қатынастарды реттейді.
1.4. Осы Саясаттың мақсаты – Университет ұстанатын тұрақты даму саласындағы басқару жүйесін құрудағы негізгі нормалар, қағидаттар, ережелер мен тәсілдерді анықтау.
1.5. Университет тұрақты даму аясында үш негізгі құрамдас бөлікке негізделеді:
E – қоршаған ортаға жауапты қатынас (экологиялық баланс);
S – жоғары әлеуметтік жауапкершілік;
G – корпоративтік басқарудың жоғары сапасы (экономикалық өсу).
1.6. Университеттің тұрақты даму саласындағы қағидаттары ашықтық, есеп беру, транспаренттілік, этикалық мінез-құлық, құрмет, заңдылық, адам құқықтарын сақтау және жемқорлыққа төзбеушілік болып табылады. Тұрақты даму қағидаттары Университеттің негізгі үдерістеріне: білім беру үдерістері, ғылыми-зерттеушілік, тәрбиешілік үдерістері, жоспарлау, адами ресурстармен басқару, инвестициялар, есеп беру, сондай-ақ Университеттің даму стратегиясына интеграцияланған.
1.7. Осы Саясаттың міндеттері:
1) Университет қызметінің тұрақты даму саласындағы принциптері мен бағыттарын анықтау;
2) Университеттің жалпы құрылымындағы әрбір органның және барлық қызметкердің тұрақты даму қағидаттарын жүзеге асырудағы рөлдерін, құзыреттіліктерін, жауапкершіліктерін бекіту;
3) Университеттің қоршаған ортаға әсерімен тұрақты даму саласындағы негізгі үдерістерінің өзара қатынасын анықтау.
1.8. Университет тұрақты даму саласындағы міндеттерді шешу барысында миссияны, мақсаттарды және міндеттерді қалыптастырып, оларды Ұзақ мерзімді даму бағдарламасына айналдырады. Университет Даму бағдарламасын жүзеге асыру барысында тұрақты даму саласындағы халықаралық мінез-құлық нормалары мен қағидаттарына, сондай-ақ тиісті стандарттармен бекітілген ережелерге негізделеді, бұл өз қызметінің халықаралық үздік тәжірибеге сәйкестігін қамтамасыз етудің қажетті шарты болып табылады.
2. Университеттің тұрақты даму саласындағы мақсаттары мен міндеттері
2.1. Университеттің тұрақты даму саласындағы мақсаттары – жан-жақты және әділетті сапалы білім беруді қамтамасыз ету және баршаға арналған тұрақты дамудың 17 мақсатының ішіндегі 4-мақсатына сәйкес өмір бойы оқуға мүмкіндік беруді ынталандыру. Университет қалған 16 мақсат бойынша мониторинг жүргізеді және жылдық есепте көрсетеді. Білім беру тұрақты даму мақсаттарының барлығына қол жеткізуді жеделдетуге қабілетті, сондықтан ол әрбір мақсатқа жету стратегияларының маңызды бөлігіне айналуы тиіс.
2.2. Университет өз алдына келесі міндеттерді қояды:
1) Тұрақты қағидаттарды стратегияға, жоспарлау үдерістеріне, басқару шешімдерін қабылдауға және ішкі нормативтік құжаттарды әзірлеуге интеграциялау.
2) Оқу курстары, жобалар және оқу үдерісінен тыс іс-шаралар арқылы студенттер мен қызметкерлердің экология, әлеуметтік әділеттілік және тұрақты даму мәселелеріне саналы көзқарасын қалыптастыруға жағдай жасау.
3) Тұрақтылық қағидаттарын ішкі мәдениетке, күнделікті қызметке, персонал және студенттермен өзара әрекеттесуге енгізу, сондай-ақ тұрақты мінез-құлық үлгілерін дамыту.
4) Энергия тиімділігі, шығарындыларды азайту, тұрақты сатып алу, қалдықтарды азайту мен кампустың жасыл инфрақұрылымын дамыту бойынша бастамаларды жүзеге асыру.
5) Барлық халық топтары, оның ішінде ерекше білім беру қажеттіліктері бар адамдар мен әлеуметтік тұрғыдан осал және аз қамтылған топтар үшін инклюзивті және әділетті білім беруді дамытуға жәрдемдесу.
6) Тұрақты даму мақсаттарына қол жеткізудегі университеттің үлесін кеңейту және тәжірибе алмасу үшін бірлескен жобаларды жүзеге асыру мақсатында мемлекеттік, қоғамдық және халықаралық ұйымдармен сектораралық өзара іс-қимылды дамыту.
7) Тұрақты бағалау жүйесін, қол жеткізілген нәтижелерінің тұрақты мониторингін құру және тұрақты даму саясатын жүзеге асырудағы үдерісі туралы ашық есептілік.
2.3. Университет тұрақты даму саласындағы стратегиялық міндеттерді ескере отырып, тұрақты дамудың барлық аспектілеріне – білім сапасы мен әлеуметтік тұрақтылықтан бастап, қоршаған ортаның жай-күйіне және экономикалық тұрақтылыққа дейін әсер ететін климаттың өзгеруін заманауи кезеңнің ең өзекті сын-тегеуріндердің бірі ретінде қарастырады. Осыған байланысты климаттың өзгеруімен күресу және оның салдарына бейімделу университет қызметінің басым бағыттарының біріне айналады.
3. Университеттің климаттың өзгеруімен күрес бойынша саясаты
3.1. Университет климаттың өзгеруін әлемдік ауқымдағы негізгі қауіптердің бірі ретінде таниды және оның салдарын жеңілдету мен климаттық тәуекелдерге бейімделу бойынша іс-қимылдарға деген өз міндеттемесін растайды. Университет Париж келісімін және БҰҰ-ның Тұрақты даму мақсаттарын қоса алғанда, ұлттық және халықаралық климаттық мақсаттарға қол жеткізуге үлес қосуға ұмтылады.
3.2. Университет 2050 жылға дейін Scope 1 және Scope 2 қамту бойынша — энергия тұтынудан туындайтын тікелей және жанама шығарындылар бойынша климаттық бейтараптыққа (net-zero) қол жеткізуге қоғамдық түрде міндеттеме алады.
3.3. Университет осы мақсатты жүзеге асыру үшін:
1) Электр энергиясын, жылуды, отын мен басқа да ресурстарды тұтынуды қосқанда, университеттің көміртек ізін (Scope 1 және Scope 2) бағалау жүйесін және тұрақты мониторингін әзірлейді және енгізеді.
2) Қоршаған ортаға әсерді азайтуға және ресурстарды пайдалану тиімділігіне бағытталған университеттің инфрақұрылымының энергия тиімділігі мен тұрақтылығын арттыру бойынша шараларын жүзеге асырады.
3) Университетте сатып алу, құжат айналымы және мобильділік ұйымдастыру саласында экологиялық тұрақты тәжірибелерді енгізуді қолдайды.
4) Академиялық және студенттік ортадағы климаттық сұрақтарға саналы көзқарас мәдениетін дамытуға жәрдемдеседі.
5) Табиғи ресурстарды тұрақты басқару мен шығарындыларын өтемдеу элементі ретінде кампустың жасыл инфрақұрылымын дамытады.
6) Тәжірибе алмасу және климаттық мақсаттарға қол жеткізу үшін мемлекеттік құрылымдармен, халықаралық ұйымдармен және басқа университеттермен өзара әрекеттеседі.
4. Қорытынды ережелер
4.1. Осы Саясаттың ережелерін Университеттің барлық бөлімшелері өз қызметін жоспарлау және жүзеге асыру, ішкі нормативтік құжаттарды әзірлеу, ақпарат тарату және коммуникацияның басқа да түрлері кезінде мүдделі тараптармен өзара іс-қимылды қозғайтын бөлігінде сақтауға тиіс.
4.2. Тұрақты сатып алулар саясаты сыртқы ортадағы өзгерістерді, халықаралық стандарттарды және университеттің басымдықтарын ескере отырып, тұрақты түрде қайта қаралып отырады. Қажет болған жағдайда оның тиімділігін арттыру үшін өзгерістер мен толықтырулар енгізілуі мүмкін.