1. Кіріспе
1.1. «М. Қозыбаев ат. Солтүстік Қазақстан университеті» КЕАҚ (бұдан әрі – Университет) білім беру және ғылыми орталық ретінде тұрақты болашақты қалыптастыруға қатысады.
1.2. Университет тұрақты даму қағидаттарын өзінің стратегияларына, үдерістері мен шешімдеріне енгізуге ұмтылады.
1.3. EDI қамтамасыз ету (теңдік, әртүрлілік және инклюзивтілік) және кемсітушілікке жол бермеу бойынша саясаты (бұдан әрі – Саясат) Қазақстан Республикасының заңнамасына, Университет Жарғысына сәйкес әзірленген және жынысына, жасына, этникалық шығу тегіне, әлеуметтік жағдайына, діни сеніміне, денсаулығына, жыныстық бағытына және басқа да ерекшеліктеріне қарамастан, университет қауымдастығының барлық мүшелері үшін тең мүмкіндік беретін инклюзивті білім беру және жұмыс ортасын құру тәсілдерін айқындайды.
1.4. Осы Саясат әділеттілік, тең мүмкіндіктер мен ұжымның әрбір мүшесінің бірегей сипаттамаларын құрметтеу қағидаттарына негізделеді.
1.5. Осы Саясаттың мақсаты университет қауымдастығының барлық мүшелерінің тең қатысуына, қолжетімділігіне және құрметіне ие болуына ықпал ететін жағдайларды жасау арқылы университетте теңдік, әртүрлілік және инклюзияны қолдау болып табылады.
1.6. Университеттің EDI қамтамасыз ету (теңдік, әртүрлілік және инклюзивтілік) және кемсітушілікке жол бермеу бойынша саясатын жүзеге асыру саласындағы міндеттері:
1) университет қауымдастығының барлық мүшелері үшін білім беру, ғылыми, әкімшілік және басқа да мүмкіндіктерге тең қолжетімділікті қамтамасыз ету;
2) әлеуметтік-демографиялық, мәдени, этникалық және өзге де айырмашылықтарға қарамастан, құрмет, қабылдау және өзара түсіну мәдениетінің дамуы;
3) студенттер мен қызметкерлердің әр түрлі топтарының қажеттіліктерін ескере отырып, инклюзивті инфрақұрылымның құрылуы мен дамуы;
4) адам құқықтары туралы хабардарлықты арттыру және инклюзивті ойлау жүйесін қалыптастыруға бағытталған білім беру және ағартушылық бағдарламаларды енгізу;
5) кемсітушілік, біржақтылық және этикаға жат мінез-құлық жағдайларын алдын-алу мен жүйелі жауап беру;
6) әділеттілік пен теңдік қағидаттарын ескере отырып, персоналды іріктеу, ілгерілету және бағалау рәсімдерінің ашықтығын қамтамасыз ету;
7) университеттік ортада әртүрлілік пен инклюзивтілікті нығайтуға ықпал ететін студенттік және академиялық бастамаларды қолдау;
8) білім беруде инклюзивтік тәжірибелерін дамыту саласындағы ұлттық және халықаралық серіктестермен ынтымақтастық орнату. Акционерлер мен инвесторлар үшін ұзақ мерзімді құндылықтарды құруды қоса алғанда, тұрақты даму контекстінде ұзақ мерзімді перспективаларға экономикалық, экологиялық және әлеуметтік мақсаттарды келістіру.
2. Негізгі ережелер
2.1. Университет ешкім кемсітушілікке, нәсіліне негізделген психологиялық зорлық-зомбылыққа, этникалық тегіне, жынысына, жасына, дінге, мүгедектігіне, жыныстық бағытына немесе басқа да факторларға ұшырамайтын қауіпсіз, жайлы және құрметке толы орта құруға ұмтылады.
2.2. Университет әртүрлі топтардың дамуына кедергі келтіре алатын жүйелі кедергілер мен теңсіздіктерді жою арқылы барлық ұжым мүшелеріне білім алуға, жұмыс істеуге, кәсіби дамуға және шешім қабылдауға қатысу мүмкіндіктеріне тең қолжетімділікті қамтамасыз етеді.
2.3. Университет студенттердің әртүрлілігін көрсететін және олардың оқу процесіне белсенді қатысуын қамтамасыз ететін білім беру бағдарламаларын жасайды. Әркім өз әлеуетіне жетуіне мүмкіндік беретін оқу стилдерінің, мәдени ерекшеліктерінің және студенттердің қажеттіліктерінің әртүрлілігін ескереді.
2.4. Университет әртүрлі шығу тегі, тәжірибесі, мәдениеті мен көзқарастары бар студенттер мен қызметкерлерді тартып және ұстап тұрып, өз қауымдастығында әртүрлілікті белсенді қолдайды.
2.5. Университет теңдік, әртүрлілік және инклюзияның маңыздылығы туралы хабардарлықты арттыруға бағытталған тренингтер, семинарлар, конференциялар және басқа да іс-шаралар өткізу арқылы барлық қауымдастық мүшелеріне EDI қағидаттары туралы білім мен хабардарлықты қамтамасыз етеді.
2.6. Университет олардың тиімділігін қамтамасыз ету және керекті өзгерістер енгізу үшін EDI саласындағы өз күш-жігерінің мониторингін және бағасын жүзеге асырады.
2.7. Университет құпиялылық пен әділеттілік қағидаттары сақталатын кемсітушілік, біржақтылық және басқа да теңдік қағидаттарын бұзу жағдайларын қарау және шешу үшін қолжетімді және ашық механизмдерді қамтамасыз етеді.
2.8. Университет барлық адамдар үшін, оның ішінде денсаулық мүмкіндіктері шектеулі және басқа ерекше қажеттіліктері бар адамдар үшін білім беру ортасының, жұмыс және тұрғын алаңдарының қолжетімділігін қамтамасыз ететін инклюзивті физикалық және цифрлық инфрақұрылымды дамытады.
2.9. Университет шектеулі мүмкіндіктері бар студенттер мен қызметкерлерге кеңес беру көмегі, жеке сүйемелдеу және басқа да бағытталған шаралар арқылы қолдау көрсетеді.
2.10. Университетте шектеулі мүмкіндіктері бар адамдар үшін оқу және жұмыс жағдайларын бейімдеуді көздейтін ақылға қонымды бейімделу саясаты жүзеге асырылады.
2.11. Университет қауымдастықтың әрбір мүшесінің дауысына қолдау көрсетіп, әртүрлі басқару органдарына, жұмыс топтарына және кеңесші кеңестерге қатысуына ықпал етеді.
2.12. Университет тәжірибе алмасу және кампус шегінен тыс жерлерде теңдік пен инклюзияның саясатына оң әсерін арттыру үшін сыртқы ұйымдармен және қауымдастықтармен серіктестік қарым-қатынастарды дамытады.
2.13. Университет кез-келген кемсітушілік түрлеріне, оның ішінде шектелмей, жыныс, гендерлік сәйкестік, нәсіл, этникалық тиістілік, дін, саяси көзқарастар, мүгедектік, жас, жыныстық бағдар, әлеуметтік немесе экономикалық жағдай бойынша кемсітушіліктерге нөлдік төзімділікті жариялайды.
2.14. Университет білім беру үдерісінде, еңбек қатынастарында кемсітушілік тәжірибелерді алдын-алу үшін, сонымен қатар ішкі университеттік қоғамдастығындағы өзара әрекеттесудің барлық аспектілерінде шаралар қолданады.
2.15. Барлық күдікті кемсіту жағдайлары құпиялылық, әділеттілік және барлық тараптардың құқықтарын қорғау принциптері сақталып, мұқият және бейтарап қаралуы тиіс.
2.16. Университет әртүрлілікті құндылық ретінде қабылдайтын және әр адам өзіне құрметпен қарайтынын, қауіпсіз және академиялық әрі әлеуметтік өмірге қосылғанын сезінетін мәдениетті алға жылжытуға міндеттенеді.
3. Қорытынды ережелер
3.1. Университеттің барлық бөлімшелері өз қызметі шеңберінде осы Саясаттың ережелерін ескереді және тұрақты даму саласындағы мәлімденген мақсаттар мен міндеттерге қол жеткізуге ықпал етеді.
3.2. Университет басқармасы Саясаттың орындалуын бақылауды жүзеге асырады және негізгі басқару процестеріне оның интеграциясын қамтамасыз етеді.
3.3. Осы Саясат сыртқы ортадағы өзгерістерді, университеттің халықаралық стандарттары мен басымдықтарын ескере отырып, тұрақты қайта қаралуға жатады. Оның тиімділігін арттыру үшін қажет болғанда оған өзгертулер мен толықтырулар енгізілуі мүмкін.
3.4. Осы Саясат университеттің тұрақты даму қағидаттарын енгізуге, ұзақ мерзімді өсу үшін қолайлы жағдайлар жасауға және экологиялық, әлеуметтік және басқарушылық бастамаларды қолдайтын жауапты институт ретіндегі ұстанымдарын нығайтуға арналған стратегиялық бағытын бекітеді.