«Рухани жағыру» Қазақстанның дамуының маңызды бағыты

Осындай атаумен «Абайтану» ғылыми-әдістемелік орталығында «Рухани жағыру» республикалық бағдарламасының төрт жылдығына арналған семинар өтті. Іс-шараға танымал тұлғалар, облысымыздың ғалымдары, СҚО «Қоғамдық даму және ақпарат» орталығының жетекшісі Раушан Баймулдина, Уалиханов ауданы, Кішкенекөл ауылының материалдық емес мәдени мұрасын насихаттаушы Роза Құсбекова, Ұлы Дала Қозыбаев  университетінің тарихи-мәдени мұрасын зерттеу орталығының жетекшісі Анатолий Плешаков, «Қазақ тілі мен әдебиеті» кафедрасының меңгерушісі Жанбай Қадыров қатысты.

Сонымен қатар, университетіміздің  авторлары шығарған оқулықтар жинағы мен дәрістердің тұсаукесері өткізілді. Олардың арасында оқу ордамыздың этномәдени зерттеулер орталығының жетекшісі, ҚР ҰҒА академигі Зарқын Тайшыбайдың «Алаш көсемдерінің өсиет-өнегесі», сондай-ақ, «19 ғасырдағы әдебиет және Абай» атты «Қазақ тілі мен әдебиеті» кафедрасының доценті Жанар Құлыбекова мен магистрант Ботагөз Тагудретованың ғылыми еңбектері таныстырылды.