Сөздәйектер галереясы
Ғылымды үйренем деген адамның ақыл-ойы айқын, ерік-жігері, тілек-мақсаты ақиқат пен әділдік үшін талап жолында болуы шарт. Жай ләззат іздеу, кәсіп-құмарлыққа ұқсас әрекет онда болмасқа керек.
Облыс мектептерінің қазақ тілі мен әдебиеті пәні мұғалімдері арасындағы облыстық олимпиада
28.02.2020 жылы «Солтүстік Қазақстан облысы әкімдігінің білім басқармасы» КММ «Білім саласындағы әдістемелік жұмыс және ақпараттық технологиялар орталығы» КММ мен Манаш Қозыбаев атындағы Солтүстік Қазақстан университеті «Практикалық қазақ тілі» кафедрасының оқытушылары облыс мектептерінің қазақ тілі мен әдебиеті пәні мұғалімдері арасындағы облыстық олимпиада ұйымдастырды. Облыстық кезең екі бөлімнен тұрды. І-кезеңде қатысушыларға екі тапсырма ұсынылды: әдістемелік-педагогикалық тест орындау және ұсынылған тақырыпта ғылыми эссе жазу. Ал ІІ-кезенде: портфолио дайындап әкелу.
Жеңімпаздарды марапаттау рәсімі 2020 жылы 27 наурызда қазақ тілі мен әдебиеті пәні мұғалімдерінің халықаралық «Әлем таныған ұлы Абай» форумында 1-ші орын – 1, 2-ші орын -2, 3-ші орын - 3 мұғалімдер санатына беріледі.