XV түлектер форумы

76-жылдық тарихы бойынша біздің университет 10 мыңнан астам білікті мамандарды даярлап шығарды, көбі университетпен тығыз байланыста. Оған жыл сайынғы форум ықпал етеді, онда түлектер өздерінің оқытушыларымен кездесіп, оқыған жылдарын еске алады. Биыл форум 30 мамыр күні өтті.

Біздің университет атынан тәрбие жұмысы жөніндегі проректор Мукәрәм Тайжанова сөз сөйледі. Ол университеттің оқу, ғылыми және мәдени өмірі туралы хабарлады. Форумға Ушинский атындағы пединституттың «Дене шыңықтыру және спорт» мамандығының түлектері де қатысты. Олар 45 жыл бұрын осы оқу орнында алған білімдері оларға өмірде өз орындарын табуға көмектескенін атап өтті. 

Әрбір факультеттің ең үздік өкілдері дипломдармен марапатталып, СҚМУ құрметті кітабына енгізілген.