"Покажи себя" дарындылар байқауының финалы өтті

Университетте студенттер өздерінің дарынды қабілеттерін көрсете алатын көптеген іс-шаралар ұйымдастырылады. Сондай іс-шаралардың бірі "Покажи себя" атауымен жаратылыстану ғылымдары және спорт факультетінде өткізілді.

Сәуір айының басында өткен іріктеу кезеңінің нәтижесі бойынша қорытынды кезеңге отыз қатысушы өтті. Әр нөмі өзінше қызықты әрі бірегей болды. Еркежан Қадырбек "вокал", Анель Кашимова "би", Анастасия Поляк "шабыт құлшынысы", Әділхан Жайсенбаев "жыл жаңалығы" номинацияларында жеңімпаз аталса, Галина Чевягина "Покажи себя" байқауының бас жүлдесіне ие болды.

Биыл байқау қайырымдылық сипатта өтті. Билеттен жиналған бар қаражат аса қымбат отаны қажет ететін Настенька Шарапованың еміне жұмсалады.

Байқау қатысушыларын қаламыздың шығармашылық ұжымдары, оның арасында "Томирис" сән театры, қолдауға келген.