Tomorrow School: IT мамандарын оқытудың инновациялық тәсілі

Қазақстанда білім беру мен технологияны дамыту бағытында маңызды қадам жасалды: Президент Қасым-Жомарт Тоқаев пен Ғылым және жоғары білім министрі Саясат Нұрбектің қатысуымен ел көлемінде Tomorrow School жобасы аясында 14 орталық іске қосылды. Бұл бастама шамамен 2000 студентке заманауи цифрлық дағдыларды меңгеріп, тәжірибеге бағытталған жаңа форматта білім алуға мүмкіндік береді.

Tomorrow School — peer-to-peer қағидасына негізделген. Мұнда оқу процесі нақты өмірлік жағдайларға сүйеніп құрылады және бағдарламалау мен ЖИ технологияларын практикалық түрде игеруге бағытталған.

Оқытудың негізгі ерекшеліктері:

– дәстүрлі оқыту жүйесінің болмауы, білімді топтық жұмыс пен өзара қолдау арқылы меңгеру;

– офлайн форматта тегін оқу мүмкіндігі;

– тәулік бойы (24/7) қолжетімділік және икемді кесте;

– бағдарламалауда алдын-ала тәжірибесіз қабылдау мүмкіндігі.

Бұл жоба жасанды интеллект пен цифрландыруды дамытуға бағытталған ірі мемлекеттік бастаманың бір бөлігі болып табылады. Оның негізгі мақсаты — озық технологияларды меңгерген және инновациялық шешімдер жасай алатын жаңа буын IT мамандарын қалыптастыру.

Қозыбаев университеті үшін бұл бастама студенттердің белсенді қатысуына негізделген, сыни ойлау қабілетін дамытатын және болашақта сұранысқа ие дағдыларды игеруге мүмкіндік беретін заманауи білім беру ортасын қалыптастырудағы маңызды қадам болып саналады.

Қазіргі таңда IT мен жасанды интеллект саласындағы білім- заман талабы. Тіпті базалық цифрлық дағдылардың өзі еңбек нарығында кең мүмкіндіктерге жол ашып, өзгермелі әлемге бейімделуді жеңілдетеді.

Сондықтан барлық студенттерді болашақ технологияларын дамытатын Tomorrow School жобасына қатысуға шақырамыз.