Ұлы Абайдың идеялары жастарға шабыт береді

Астана, Алматы, Семей, Қарағанды және Петропавл қалаларындағы жоғары оқу орындарының 8 командасынан 30-дан астам студент «ХХІ ғасыр педагогикасындағы Абай мұрасы» атты педагогикалық мамандықтар студенттеріне арналған V Республикалық олимпиадаға қатысты.

Аталған олимпиадада өткен жылы Өскемен қаласындағы сайыста топ жарған Қозыбаев университетінің құрамасы жеңімпаз атанды. Осы жеңістің арқасында биылғы зияткерлік дода біздің университет қабырғасында ұйымдастырылды. Дәстүр бойынша, бұл жолы университетіміздің командасы жарысқа конкурстан тыс қатысты.

Олимпиада қазақтың ұлы ақыны Абай Құнанбаевтың мұрасына арналды. Оның шығармашылығы –әлі күнге дейін жаңа буын мен ізденушілерге ерекше әсер етіп, шабыт сыйлап келеді.

Білім мен өнерді, шығармашылықты ұштастырған байқау екі кезеңнен құралды. Алғашқы кезеңде қатысушылар Абайдың педагогикалық көзқарасын көрсететін тарихи, өмірлік оқиғаларға негізделген шағын қойылымдар ұсынды.

Екінші кезең «Толық адам» ілімін қазіргі педагог бейнесі ретінде». Бұл бөлімде студенттер TEDx форматында қысқа әрі мазмұнды баяндама жасап, өз ойларын жеткізді.

Қорытынды бойынша Семей қаласындағы Шәкәрім университетінің командасы барлық кезеңнен үздік өтіп, жоғары шеберлігі мен кәсібилігін дәлелдеп, бас жүлде – 200 мың теңгені иеленді.

Құттықтаймыз!