Аризона университетінің делегациясы Қозыбаев университетіне жұмыс сапарымен келді

Қозыбаев университеті стратегиялық серіктестеріміз – Аризона университетінің делегациясын қарсы алды. Олардың құрамында Ақпараттық ғылымдар колледжінің оқытушысы доктор Сара Янг, білім беру серіктестігі жөніндегі көмекшісі Мин Джоу және білім беру серіктестігі жөніндегі аға директор Рики Салазар бар.

Үш жылдық ынтымақтастық барысында біз іскерлік байланыстарды нығайттық.  Нәтижесінде Мемлекет басшысының тапсырмасы бойынша жүзеге асырылған елдегі алғашқы қос дипломды бағдарламалары пайда болды. ҚР ҒЖБ министрі Саясат Нұрбектің жеке қолдауымен, сондай-ақ жергілікті атқарушы органдардың қолдауымен біз ірі халықаралық жоба құрдық. Қазіргі уақытта бес қос дипломды және 11 бірлескен білім беру бағдарламасы бар. Бұл бағдарламалар бойынша Қазақстанның және шетелдің әртүрлі қалаларынан 1200-ден астам студент оқиды. Биылғы жылы алғашқы бакалавриат түлектері оқуларын аяқтайды. Бұл жетістіктер, ең алдымен, Солтүстік Қазақстан аймағындағы жастар үшін болашақта жаңа мүмкіндіктер ашады .

Сапар барысында: академиялық бағдарламаларды кеңейту, жаңа ғылыми бастамаларды іске қосу, оқытушылардың ұтқырлығын дамыту және студенттер үшін жаңа мүмкіндіктер жасау мәселелері талқыланды. Аризона университетінің делегациясы Петропавлда екі апта ішінде:

* Университеттің зертханалық базасымен және ғылыми әлеуетімен танысады және бірлескен зерттеу жобаларын анықтайды.

* Бизнес және менеджмент саласында қос дипломды бағдарламаны енгізу тетіктерін қарастырады.

* Сара Янг студенттерге мәдениеттану, сандық қоғамдағы этика, Data science технологиялары, әртүрлі коммуникация түрлері, дискурс және жаңа медиа бойынша бірқатар сабақтар өткізеді.

* Жоғары білім берудегі киберқауіпсіздік бойынша оқытушыларға дәріс оқиды.

* «Болашақ» бағдарламасы бойынша ғылыми тағылымдамалармен жұмыс істейді. (Өткен жылы біздің екі оқытушымыз Аризонада осындай тағылымдамадан өтті. Биыл тағы әріптесімізді жіберуді жоспарлап отырмыз.)

* Сара Янг білім беру технологиялары дәуіріндегі цифрлық жауапкершілік, киберқауіпсіздік және этикаға арналған SKO Hub-та өтетін ашық кездесуге спикер ретінде қатысады.

* Аризона университетінің командасы Қозыбаев университетінің мансаптық кеңесшілерімен бірлесіп, Солтүстік Қазақстан облысындағы рекрутинг іс-шараларына қатысады және университеттегі ашық есік күндерінде мектеп оқушыларымен кездеседі.

* Ынтымақтастықты одан әрі дамыту бойынша БАҚ-қа сұхбат береді.

Біз ортақ мақсаттар мен құндылықтардың арқасында маңызды нәтижелерге қол жеткіздік. Алда бізді бұдан да ауқымды жетістіктер күтіп тұр. Бірлескен жұмыс жаһандық мүмкіндіктер мен білімге жол ашады!