«Посмертное донорство в Казахстане: выбор, который спасает жизни»

25.02.2026 жылы медициналық факультет базасында оқытушылар мен студенттерге арналған «Қазақстандағы қайтыс болғаннан кейінгі донорлық: өмірді сақтап қалатын таңдау» тақырыбында дәріс өтті. Дәрісті Трансплантацияны және жоғары технологиялық медициналық қызметтерді үйлестіру жөніндегі республикалық орталықтың директоры — Ситказинов Айдар Кинжитаевич оқыды.

Дәріс барысында Қазақстан Республикасында қайтыс болғаннан кейінгі донорлық жүйесін дамытудың өзекті мәселелері, ағзаларды трансплантациялаудың құқықтық және этикалық аспектілері, сондай-ақ осы салаға қоғам сенімін қалыптастырудағы медициналық қауымдастықтың рөлі жан-жақты қарастырылды. Заңнамалық базаға, донорлыққа келісім берудің қолданыстағы тетіктеріне және трансплантациялық көмекті ұйымдастырудың халықаралық тәжірибесіне ерекше назар аударылды.

Айдар Кинжитаевич елдегі ағзаларды трансплантациялау бойынша статистикалық деректерді ұсынып, қолданыстағы мәселелер мен даму перспективаларын атап өтті. Ол қайтыс болғаннан кейінгі донорлықтың аурудың терминалдық сатысындағы пациенттердің өмірін сақтап қалудағы маңызды құрал екенін ерекше айтты. Сонымен қатар, халықтың ақпараттандырылуы, медицина кадрларының кәсіби даярлығы және ведомствоаралық өзара іс-қимыл донорлық жүйенің тиімділігін арттыруда шешуші рөл атқаратынын жеткізді.

Кездесу ашық диалог форматында өтті: қатысушылар белсенді түрде сұрақтар қойып, клиникалық және ұйымдастырушылық жағдайларды талқылады, сондай-ақ биоэтика мен дәрігердің әлеуметтік жауапкершілігі мәселелерін көтерді. Мұндай іс-шаралар болашақ мамандардың трансплантология мәселелеріне саналы көзқарасын қалыптастыруға және оқытушылар мен студенттердің кәсіби құзыреттерін нығайтуға ықпал етеді.

Өткізілген дәріс ағзаларды трансплантациялау саласындағы білім беру және ағартушылық жұмысты дамытудағы маңызды қадам болып, қайтыс болғаннан кейінгі донорлық мәселелерінде мемлекет, медициналық қауымдастық және қоғамның бірлескен күш-жігерінің маңыздылығын айқындады.