Биыл біз Солтүстік Қазақстан және Қостанай облыстарындағы кәсіпорындармен және колледждермен тығыз ынтымақтастық орнату үшін үлкен бастаманы қолға алдық. Басты мақсат – өнеркәсіптік және ауылшаруашылық салаларына жан-жақты көмек көрсету, өңірдің тұрақты дамуын қамтамасыз ету үшін кадрлардың біліктілігін арттыру болып табылады.
Бұл жолы Қозыбаев университетінің ұжымымен бірге «С.М. Киров атындағы зауыт» АҚ-да болдық. Зауыт 1928 жылы ашылды. Осы уақыт ішінде Солтүстік Қазақстан облысындағы ірі өнеркәсіп орындарының біріне айналды. Бүгінде ол теміржол және мұнай-газ өнімдерін шығарады.
Біз де серіктестікке ашықпыз және зауыттың сұранысын қанағаттандыратын ғылыми тақырыптар тізбесін қалыптастыруға, бірлескен зерттеулер жүргізуге дайынбыз. Университет аймақтық өндірістің ғылыми тірегі болуға дайын.
Сондай-ақ, дәстүр бойынша студенттеріміз осы кәсіпорында тәжірибеден өтеді. Биылғы оқу жылында олардың саны 39 құрады. Студенттеріміз өндіріс орнында алған әсерлерімен бөлісіп, еңбек жолын осында жалғастыруға дайын екендіктерін жеткізді. Шынында да, жыл сайын тағылымдамадан өткендердің біразы зауытта жұмыс істеу үшін қалады. Инженерлік бағдарламаның қазіргі түлектерінің ішінде 4 адам, соңғы 3 жылда 23 жас маман жұмысқа орналасты. Өндірістік докторантурада біз компанияның топ-менеджерлерін оқытамыз. Енді біз де «С.М. Киров атындағы зауыт» АҚ қызметкерлерін дуальды оқытуға қабылдауға дайынбыз, бұл ретте оқу процесі кәсіпорынның қажеттілігіне қарай жеке траекториялар бойынша өндірістен үзіліссіз жүзеге асырылады.
Қазақстан Республикасы Ғылым және жоғары білім министрлігі мен жергілікті атқарушы органдардың қолдауының арқасында бізде заманауи құрал-жабдықтармен жабдықталған жаңа оқу зертханалық корпус бар. Мұнда біз инженерлік орталық саламыз. Бұл бағытта да ынтымақтастық орнатуға болады. Сонымен қатар ұшқышсыз ұшу аппараттарынан қорғау саласындағы бірлескен зерттеулерге тоқталғым келеді. Ол үшін барлық қажетті құрал-жабдықтар зауытта бар, ал бізде ғалымдарымыз бар.
Айтып өткен жөн, былтырғы жылы Ильдар Құрмашевтың жетекшілігімен біздің зерттеушілер итальяндық әріптестерімен бірлесіп Data Fusion жүйесіне біріктірілген оптикалық-электрондық арна арқылы ұшқышсыз ұшу аппараттарын тану үшін нейрондық желі моделін әзірлеу үшін шамамен 99 миллион теңге көлемінде гранттық қаржыландыру алды. Математика және физика кафедрасының ғалымдары ұзақ жылдар бойы астрономия және Жерді қашықтықтан зондтау саласында ғылыми зерттеулермен айналысып келеді.
Бүгінгі кездесудің маңызды кезеңі әріптестіктің жаңа перспективаларына жол ашатын екіжақты ынтымақтастық туралы меморандумға қол қою болды.
