Қозыбаев университетінің базасында жұмыс істейтін «Су ғылыми-технологиялық орталығы» ЖШС университетіміздің серіктесі болып табылады. «Ғылым қоры» АҚ мен ҚР БҒМ-нің хлорелла микробалдырларының штаммының көмегімен сарқынды суларды биологиялық оңалту технологиясын әзірлеу бойынша ғылыми қызмет нәтижелерін коммерцияландыру жобасы бірлесіп жүзеге асырылды. Технология Петропавл, Қостанай, Шымкент қалаларының жинақтаушы тоғандарында өзінің тиімділігін дәлелдеді. Біздің ғалымдар орталық базасында жұмыс істейді және ғылыми-зерттеу жұмыстарын жалғастырады.
Шілде айының басында әріптестер Қытайда өткен Инновациялар мен кәсіпкерліктің IV байқауында «Декарбонизация және ағынды суларды тазартудың өзін-өзі қамтамасыз ететін технологиясы» атты жаңа жобасын таныстырды. Ауқымды шараны Шанхай Ынтымақтастық ұйымының (ШЫҰ) Қытайдағы технологиялар трансфер орталығы мен «Халықаралық жасыл технологиялар мен инвестициялық жобалар орталығы» КЕАҚ ұйымдастырды.Онда 10 елдің өкілдері өз әзірлемелерін ұсынды (Қазақстаннан үш қатысушы қатысты). Осындай жоғары деңгейде өткен халықаралық байқауда Ғылыми-технологиялық орталықтың жобасы 3-орынға ие болды!
СҒТО Қазақстандағы жалғыз кәсіпорын болып табылады:
-Әртүрлі мақсаттағы суды тазарту әдістері мен модульдерін таңдауға арналған демонстрациялық және сынақ орталығы;
-Chlorella vulgaris SKO A RKM-0870 микробалдырларының патенттелген штаммы (ұлттық және Еуразиялық патенттер);
-Су объектілерін биологиялық оңалтудың патенттелген технологиясы.
Судың ғылыми-технологиялық орталығы GCIP Kazakhstan 2024 бағдарламасының (Жаһандық экологиялық қор мен ЮНИДО-ның таза технологиялар саласындағы инновациялар бағдарламасы) жеңімпазы атанды.