Біз 2025 кәсіптік бағдар беру науқанын әрі қарай жалғастырамыз! Бұл жолы шымкенттік талапкерлер білім беру бағдарламалары, қабылдау талаптары, грант негізіндегі оқу және Аризона университетімен ынтымақтастық жобасы туралы білді.Қозыбаев университетінің өкілдері «Мамандық пен тұлғалық даму үндестігі» форумына қатысты.
9-11 сыныптардың 1000-нан астам оқушылары мен колледж түлектері еңбек нарығында сұранысқа ие мамандықтар туралы толық ақпарат алды. Бүгінде біздің университет шетелге шықпай-ақ ,американдық диплом алу мүмкіндігін береді. Үшінші жыл қатарынан біз Аризона университетімен ақпараттық жүйелер, білім берудегі инклюзия және биотехнология қос диплом бойынша студенттерді оқытып жатырмыз. Оқыту толығымен ағылшын тілінде жүргізіледі. Семестр бойы студенттер АҚШ-та оқиды. Форумға елімізден барлығы 10 жоғары оқу орны қатысты.
