Солтүстік өңірдің мектептерінде соңғы қоңырау соғылды. Бүгін он бірінші сынып оқушылары, олардың ата-аналары мен мұғалімдері үшін маңызды сәт. Биыл 11 сыныпты барлығы 3642 оқушы бітіреді. Түлектер үшін жаңа кезең басталады. Университетіміздің өкілдері қала мен облыс орталықтарындағы 12 мектепте соңғы қоңырау салтанатына қатысып, түлектерді қолдады.
Осы жылы біздің топ кәсіптік бағдар беру жұмыстарын жүргізді. Солтүстік Қазақстан облысы аудандарының әкімдіктерімен және білім бөлімдерімен ынтымақтастық туралы меморандумдар жасалды.
Облыстағы көпсалалы жоғары оқу орны Қозыбаев университеті, жастарды қолдау мақсатында оқуда және ғылымда ерекше жетістіктер көрсеткен 14 дарынды білім алушыға грант бөлу бастамасын көтерді.
Салтанатты жиын барысында университетте тегін оқуға арналған сертификаттарды мектеп түлектеріне табыстадық. Төменде берілген сайыстардың жеңімпаздары мен жүлдегерлері иеленді:
*Жалпы білім беретін пәндер бойынша республикалық олимпиадалар,
*Республикалық ғылыми жобалар байқауы,
*Қ.Бітібаева атындағы қазақ тілі мен әдебиетінен олимпиадалары
Қалалық және ауылдық білім беру ұйымдарының білім алушыларына гранттар берілді:
1. «БЭСТ» гимназиясы
2. «Білім-Инновация» дарынды балаларға арналған облыстық мамандандырылған мектеп-интернаты
3. Әбу Досмұхамбетов атындағы дарынды балаларға арналған облыстық мамандандырылған мектеп-интернаты
4. №1 Чкалов орта мектебі (Тайынша ауданы)
5. Озерная орта мектебі (Қызылжар ауданы)
6. «Бескөл мектеп-колледжі» ЖШС (Қызылжар ауданы)
7. Кеңесов орта мектебі (Шал ақын ауданы)
8. Ә.Бөкейханов атындағы №25 орта мектебі
9. «ЛОРД» дарынды балаларға арналған облыстық мамандандырылған мектеп-лицей-интернаты.
Университет жобасы дарынды жастарды қолдауға және облыстың және жалпы еліміздің кадрлық әлеуетін дамытуға бағытталған. Жас өрендерді ынталандыру– тұрақты болашақтың кепілі деп білеміз! Бүгінгі түлектерді университет қабырғасында студенттер қатарында көруге асықпын! Қозыбаев университеті– студенттерге сапалы білім беріп, қолдау көрсететін нағыз оқу ордасы! Сондай-ақ, озық ғылыми зерттеулерге қатысу, шетелде тағылымдамадан өту, көшбасшылық қабілеттерді дамыту және табысты мансап құру мүмкіндігі!
Біз барлық мектеп бітіруші түлектерді құттықтаймыз. Қозыбаев университетінің қабырғасында білім жолын жалғастыруға шақырамыз! Арман, мақсаттарыңыз орындалсын,үлкен жетістіктерге жетіңіздер!
