Қозыбаев құрамасы Түркістан қаласында өтіп жатқан ХІІІ жазғы Универсиадаға қатысып жатыр. Оған елімізден 75 ЖОО жиналды. Айтып өткен жөн, біздің спортшылар Ақтауда өткен 2023 жылғы XII жазғы Универсиаданың жеңімпаздары ретінде университет атынан өнер көрсетеді.
Жарыстың алғашқы күні біздің құрама жақсы нәтижелер көрсетті:
Табанды дайындықтың арқасында Елена Берлина, Арина Мозгунова, Юлия Крец, Юлия Безушко 4х100 метрлік эстафетада күміс жүлдені жеңіп алды.
1500 метр қашықтықта халықаралық дәрежедегі спорт шебері, 4-курс студенті Никита Изотов университет атынан абыроймен өнер көрсетіп, қола жүлдеге ие болды.
Сайыстың екінші күні спортшыларымыз үздік нәтижелерге қол жеткізді:
Кирилл Субботин – 800 метрге жүгіруден 1 орынды иеленді. Ал Арина Мозгунова – 100 метрге кедергілермен жүгіруден 3 орынға жайғасты.
Солтүстік Қазақстан университеті құрамасының спортшылары жоғары дайындық деңгейін көрсете білді. Студенттеріміз бен жаттықтырушылар құрамын құттықтаймыз. Алдағы уақытта жаңа спорттық жетістіктер тілейміз!
