Қозыбаев университетінің делегациясы Аризона университетіне ресми сапарын жалғастыруда. Себебі бұл екі университет арасындағы стратегиялық серіктестікті нығайтудағы маңызды қадам болып табылады. Аризона университетінің жаңадан тағайындалған президенті Суреш Гаримелламен кездесу өтті. Қазақстан Республикасының Ғылым және жоғары білім министрі Саясат Нұрбектің атынан доктор Гаримелланың Президенттік қызметке тағайындалуымен құттықтаулар жеткізіліп, алға қойылған міндеттердің ойдағыдай орындалуына тілектер білдірілді.
Кездесуде екі университет арасындағы сенімнің жоғары деңгейі және олардың ұзақ мерзімді серіктестікті дамытуға деген ортақ ниеті негізге алынды. Шара барысында одан әрі ынтымақтастықтың негізгі бағыттары: жаңа қос дипломды білім беру бағдарламаларын іске қосу, бірлескен ғылыми бастамаларды дамыту, сондай-ақ, оқытушылар мен студенттер арасындағы академиялық алмасуды ілгерілету талқыланды. Биотехнология және ауылшаруашылық зерттеулері мәселелеріне ерекше назар аударылды. Бұл алғашқы нәтижелерге қол жеткізілген және жаңа жобаларға берік іргетасы қаланған салалар болып табылады.
Мемлекет басшысының тікелей тапсырмасымен Қазақстанда іске қосылған шетелдік университетпен алғашқы стратегиялық серіктестік. Сонымен қатар, Қазақстан Республикасы ҒЖБМ жоғары білім мен ғылыми зерттеулерді дамыту, халықаралық стандарттарға сәйкес білім беру бағдарламаларын жетілдіру, Қазақстанды Орталық Азияның жетекші білім беру хабына айналдыру бойынша бастамалары ұсынылды.
Президент Гаримелла университеттер арасындағы өзара қарым-қатынас деңгейін жоғары бағалап, жаңа бағдарламаларды іске қосуды ғана емес, сонымен қатар, бірлескен ғылыми зерттеулерді белсенді дамытуды қамтитын серіктестіктің көп қырлы маңыздылығын атап өтті. Қозыбаев университетімен ынтымақтастық екі тарап үшін де, халықаралық ғылыми қауымдастық үшін айтарлықтай нәтиже беретініне сенім білдірді.
Әріптестіктің дамуының маңызды нышаны-жаңа Президентпен өткен бұл кездесу Аризона университеті әлем бойынша ашқан микрокампустары ішіндегі алғашқы кезедесуі болды. Доктор Гаримелла біздің микрокампусымызды ең жылдам дамып келе жатқан оқу ордаларының бірі деп атап өтті. Қозыбаев университеті мен Аризона университеті арасындағы ынтымақтастық жаңа деңгейге көтеріліп, Қазақстанның және әлемдік қауымдастықтың мүддесі, ғылым мен білімнің дамуы үшін кең көкжиектерді ашады!
