Қозыбаев университеті, СҚО есірткіге қарсы күрес ПД және Fitness Family фитнес орталықтары желісінің ынтымақтастығы аясында жастар арасында нашақорлықтың алдын алу бойынша «Спорт– нашақорлыққа қарсы!» атты бірлескен іс-шара өткізді.Университет қабырғасында осы тақырыпта Полиция қызметкерлері, Психикалық денсаулық орталығының дәрігерлерімен, университеттің психологиялық қызметінің мамандары дәрістер мен кездесулер ұйымдастырады.
«Нашақорлық бүгінгі күннің үлкен проблемасы. Көптеген ауыр қылмыстардың тікелей себебі болып табылады. Ал спорт арқылы біз жастарды тәртіпке, жауапкершілікке, күш-жігерге, сергек өмірге баулимыз. Осындай іс-шаралардың арқасында жастар дұрыс таңдау жасайды»,– деді СҚО ІІД Есірткіге қарсы іс-қимыл басқармасы бастығының міндетін атқарушы Руслан Үмбетов.
Тәжірибелі нұсқаушылар 1-4 курс студенттеріне жаттығу құралдарын қолдану бойынша нұсқаулықтармен таныстырып, дене шынықтыру-сауықтыру сабағы барысында кешенді жаттығулар өткізді. Барлық қатысушылар Fitness Family сертификаттарын алды.
«Бұл шара біз үшін өте маңызды. Себебі біз салауатты өмір салтын ұстанатын үлкен ұжымды біріктіреміз. Күн сайын жастар арасында спортты насихаттаймыз! Өйткені, 21 ғасырда спортпен айналысып, тәртіп жолын ұстанатын жандар-дұрыс бағытта жүруге көмектеседі»,- деп қорытындылады Fitness Family фитнес орталықтары желісінің директоры Алена Неклюдова.
