Жылулықтың белгісі Жер-Ана

Екінші курс студенттері Алина Кравцова, Карина Бендаравичус және Юлия Косоулина шығармашыл жұмыстарымен қуантуда. "Дизайн" Бб бағдарламасының білім алушылары 5 корпустың  қабырғасында үш күннің ішінде туындыларын  салып бітірді.

Сюжеттің негізгі бағыты: Жер-Ана, Күн, Ай және ұлттық нақыш. Осыған дейін, олар № 1 ОК дәлізін безендірген. Дизайнерлер тобының тәлімгері: университетіміздің операциялар, трансформациялар және инфрақұрылымды дамыту мәселелері жөніндегі Басқарма мүшесі Рашит Белгібаев.

Студенттер қазірдің өзінде кампустың жаңа өнер кеңістігін таңдап отыр: "Біздің жұмысымыз оң нәтиже көрсетті. Ынтамыздың арқасында, университетте тек мұрағаттар ғана емес, сонымен қатар, үлкен жетістіктерге жету үшін, жаңа шабыт пен күш сыйлайтын туынды қалады",- деп бөлісті Алина Кравцова.