Сөздәйектер галереясы
Тәрбиелеуде мұғалімнің өзінің не біліп, не істейтіні маңызды-ақ. Бірақ оның ықпалымен шәкірттерінің не біліп, не істейтіні онан да маңыздырақ. Мұғалімдер, міне, осынысымен бағаланады.
Ең мықты полиглоттар – біздің студенттер
Қозыбаев университетінің қабырғасында жыл сайынғы облыстық «Полиглот» зияткерлік сайысы өтті. Білім ордамыздың, ҚР Ұлттық ұлан академиясының, Б.Әшімов атындағы Петропавл машина жасау және көлік колледжінің және Солтүстік Қазақстан жоғары медициналық колледжінің студенттері атсалысты.
Жеңіске жету үшін білім алушылар үш тілді: қазақ, орыс, ағылшын тілдерін жетік білуі керек. Сайыс 5 кезең бойынша өтті. Алғашқы - командалар өздерін таныстырады. Екіншісінде қатысушылар үш тілде қойылған сұрақтарға жауап берді. Ең қызықты үшінші кезең болды. Мұнда полиглоттар жұмбақ құрастырып сол бойынша үш тілде әңгіме құрды. Төртінші кезеңде «Біз жастар- ел болашағы» жобаларын қорғады. Жарыс командалардың шығармашылық өнер көрсетуімен аяқталды.
Қорытынды бойынша ҚР Ұлттық ұлан академиясының командасы қола жүлдені жеңіп алса, Солтүстік Қазақстан жоғары медициналық колледжінің студенттері екінші орынды иеленді. Оқу ордамыздың командасы байқауда өз білімін барынша көрсетіп, 1 орынды жеңіп алды!
